Nosciu cumpari Jacopu, ortulano,
nu bellu posticeddhu si mbuscau,
jiu mi faci l’usceri ddhà a Milanu
e l’orticeddhu soi lu bbandunau.
Ma dopu misi di nebbia e di jelu,
la nostalgia di botta lu vvinciu
pensandu a lu so’ suli e lu so’ cielu,
sta littereddha a l’ortu nci scriviu.
A la to’ cortesia, bravu postinu,
sta littera chi mandu esti ffidata:
non c’esti nomu di cu’ nci la destinu
né numeru né via e mancu cuntrata.
Non nc’è nomu pecchì non è cristianu,
esti nu mmorzu di terra zzappata,
na pendina chi fu portata a chianu,
cu acqua e cu sudura mbiverata.
Esti sutta la “Rocca di lu lupu”,
propriu vicinu a la casa di ‘Ndria,
tra l’acqua di Cannà e lu sdurrupu,
‘mpacci a la strata di la Mmendulìa.
Lu càngeddhu è russu paparinu,
non si poti sbagliari, non si scappa,
pigghjia sta busta mia, bravu postinu,
e dassancilla ddhà, sutta a na cciappa.
Sacciu chi l’ortu non sapi leggiri,
ma cu passa di ddhà e avi li scoli
leggi a la busta “Si poti japriri:
legginci a l’ortu meu li me’ paroli!“
Car’orticeddhu meu chi nostalgia
pe’ scalachi, cipuddhi e rosmarinu,
la perguleddha di la marvasia,
e tutti ddhi pittari ddhà vicinu.
E brocculi e cucuzzi e li citroli,
li cavuli, la menta, e li fenocchi,
e piseddha, cicerca e li fascioli
pari chi l’aju ccà, davanti a l’occhi.
Maleditta pe’ m’è sta luntananza,
maledittu lu postu e li denari,
voliva bbandunari sta bbundanza
mi dormu a l’umbra di li to’ ficari.
Salutanduti cu li to’ armaceri,
cu chistu scrittu meu di propria manu,
puru s’ora su’ “Don” ca sugnu usceri,
pe’ tia mi firmu: “Jacopu… ortulanu”.
Francesco Borrello
Foto da www.orticello.it
